2026 жылғы 13 қазанда мектебімізде 11-сынып оқушылары мен олардың ата-аналарына арналған Бірыңғай ұлттық тестілеуге (ҰБТ) дайындық мәселелері бойынша ата-аналар жиналысы өтті.
Жиналыста мектеп директоры Абуова М.К. және кәсіптік бағдар беруші педагог Нургалиев М.А. сөз сөйлеп, түлектерді ҰБТ-ға дайындау, болашақ мамандықты дұрыс таңдау және жоғары оқу орындарына түсуге бағыт-бағдар беру мәселелеріне тоқталды.
Кездесу барысында сынақ тестілеулерінен өту мүмкіндіктері, пән мұғалімдерінен қосымша кеңес алу жолдары, сондай-ақ болашақ мамандыққа сәйкес бейіндік пәндер комбинациясын таңдау ерекшеліктері талқыланды.
Сонымен қатар оқушылардың білім беру бағытын саналы түрде таңдауы, ҰБТ-ға уақтылы әрі жүйелі дайындалуы және болашақ кәсіби жолын айқындауының маңыздылығы атап өтілді.
Мұндай кездесулер мектеп пен ата-аналар арасындағы ынтымақтастықты нығайтып, түлектердің жоғары оқу орындарына түсуіне қажетті жағдай жасауға ықпал етеді.
Түлектерімізге сенімділік, табандылық және ҰБТ–2027 сынағында жоғары нәтижелер тілейміз!
.jpg)
.jpg)
.jpg)
