Бала бойына адамгершілік пен отансүйгіштік қасиеттерді сіңіру - үздіксіз әрі нәзік үдеріс. Бұл жолда ойын баланың дүниетанымын қалыптастыратын, жүрегіне ұлттық құндылықтарды жақындататын ең табиғи құрал болып табылады. Осы ойдың аясында 2026 жылғы 6 ақпанда Петропавл қаласындағы «Снежинка» бөбекжай-бақшасында мектепке дейінгі ұйым педагогтарына арналған «Ойын тәжірибесі- мектеп жасына дейінгі балаларды адамгершілік-патриоттық тәрбиелеудің инновациялық ресурсы» атты облыстық семинар өткізілді.

Семинар барысында мектеп жасына дейінгі балаларды адамгершілік-патриоттық тәрбиелеуде ойын тәжірибесін қолданудың өзектілігі кеңінен қарастырылды. Педагогтар ойын арқылы баланың туған жеріне деген сүйіспеншілігін арттыру, отбасы құндылықтарын қадірлеу, туған өлкенің тарихы мен мәдениетіне құрмет сезімін қалыптастыру, сондай-ақ халықтың салт-дәстүріне деген сыйластықты дамыту жолдарын талқылады. Ойынның мектеп жасына дейінгі баланың табиғи әрі жетекші іс-әрекеті екендігіне, оның тәрбие-оқу үдерісіндегі тиімді әрі заманауи ресурс ретіндегі маңызына ерекше назар аударылды.

Іс-шара белсенді диалог, кәсіби қызығушылық және шығармашылық ынтымақтастық жағдайында өтті. Семинар барысында алынған идеялар мен тәжірибелер педагогтардың алдағы тәрбие жұмыстарында кеңінен қолданылатын болады.