Акция мақсаты – аз қамтылған және көп балалы отбасылар, жетім балалар мен ата-анасының қамқорлығынсыз қалған балалар ішінен оқушыларға жаңа оқу жылына дайындық кезеңінде және әлеуметтік себептер бойынша балалардың мектепке бармауының алдын алу үшін көмек көрсету.
«Мектепке жол» акциясының негізгі мақсаты – 1 қыркүйекте балалардың мектепке баруын қамтамасыз ету болса, «Қамқорлық» айлығының ерекшелігі – қыс мезгілінде аз қамтылған отбасы балаларын киіммен қамту, сабаққа баруын қадағалау, оқумен қамтамасыз ету.
Биылғы жылы Қазақстан Республикасы Тұңғыш Президенті - Елбасының Қоры «Мектепке жол» атты республикалық әлеуметтік науқанға аз қамтылған отбасы балаларына Қордың логотипі бар оқушылар сөмкелерін сыйлауда.
Мектебіміздің 22 оқушысына акция барысында көмек көрсетілді. Сөмкелер әрбір мектеп оқушысына арналған қажетті кеңсе тауарларымен - қаламсауыттар, қаламсаптар, қарындаштар, альбомдар, күнделіктер, дәптерлер және басқа да заттармен толтырылған.
Жаңалықты мекеменің сайтында қарау